'Halo' TV series chhuah hun tur a hriat ta

Video game lar tak behchhana siam, Paramount+ a chhuak tur 'Halo' series trailer thar drop a ni a, March 24 aṭangin he series hi a en theih dawn.

Mizo gamer tam takin an tuipui Halo, live-action series-a siam tur trailer hi Kansas City Chiefs leh Cincinnati Bengals-te'n AFC Championship Game an khelh laiin tihchhuah a ni a, Halo fan-te an phur tawh hle. March 24, Ningani aṭangin Paramount+-ah he series hi a en theih dawn a, Pablo Schreiber chu Master Chief lemah changin mihring leh alien 'The Covenant' inkara indona chhuak chungchang a ni dawn a, trailer aṭangin a hmuhnawm dawn tih a chiang.

Cortana aw-ah Jen Taylor aw bawk an hmang leh dawn a, Bokeem Woodbine, Shabana Azmi, Natasha Culzac, Olive Gray, Yerin Ha, Bentley Kalu, Kate Kennedy, Charlie Murphy leh Danny Sapani-te an chang a ni. Anni bakah hian Ryan McParland, Burn Gorman leh Fiona O’Shaughnessy-te an inlan dawn bawk.

Halo TV series siam tur hian kum 2015 vel aṭang khan hma an la ṭan tawh a, hma laturin kum 2018 khan Kyle Killen chu befelin Kum 2019-ah khan Ontario, Canada-ah an chang ṭan daih tawh a ni. Hrileng vangin hma an la chak thei loa, episode panga vel lai chu hrileng vangin chan hun tur an tihkhawtlai phah nghe nghe.

Episode 10 an tichhuak phawt dawn a, a chhunzawmna tur chungchang erawh sawilan a la ni lo thung.

Halo game franchise hi khawvela game hlawhtling ber zinga mi ani a, ram hrang hrangah copy maktaduai 77 vel zet hralh tawhin $tluklehdingawn 60 vel chu Halo game franchise chuan sum a lalut tawh bawk.