Alice Cooper 'Rock and roll' album pahnih buaipui

Alice Cooper chuan 'rock and roll' album pahnih a buaipui mek tih a sawi.

SiriusXM ‘Trunk Nation’-in an kawmnaah hemi chungchang hi sawi chhuakin ‘School’s Out’ hitmaker chuan studio lam a luhcilh leh tawh thu leh album thar pahnih a buaipui mek thu hi a sawi a ni.

Kum 73 mi rocker chuan host Eddie Trunk hnenah album pakhat zawka hla tur chu an phuah zo fel vek tawh tih leh a pahnihna tur pawhin hma an la mek tih a sawi a ni. Rock and Roll Hall of Famer chuan hunrei tak chhung ka thawhpui tawh producer Bob Ezrin nen bawk kan thawkdun leh a ni, a ti.

Alice, a hming tak Vincent Damien Furnier chuan,"Album hrang hlak pahnih a ni a, mahse Alice Copper album an ni chiang e, rock'n'roll diktak.

"Hard rock album tak tak a ni ve ve dawn a, pakhat zawk chu kumin kum tawp lamah tlangzarh a ni ang," a ti.

'Poison' hitmaker hian May 23 aṭang hian show a nei leh ṭan tawh dawn a, Swansea, Wales leh Leeds-ahte show a nei dawn a ni.