Box Office-ah The Predator a hit

21st September, 2018

September 13-a tlangzarh Thriller/Science Fiction film 'The Predator' chu UK lamah hralh a kal hle a, Box Office-ah pakhatna luah turin a dinhmun a ṭha hle.

American film star Olivia Munn leh Keegan-Michael Key te channa The Predator hian UK aṭang ringawt hian September 14-16 chhung khan £2,394,163 zet a lalut hman a, chart thar-ah chuan No.1 a hauh thei dawn niin a lang. The Predator hi tun hnaia film chhuak thar zingah chuan ngaihven hlawh ber pawl a ni a, khawvel ram hrag hrangah chhuah chhoh mek a ni.

UK bikah hian The Nun leh Crazy Rich Asians te chu hralh kal pawl niin, King of Thieves leh Christopher Robinte chuan en a hlawh viau bawk.