Spider-Man: No Way Home bawk a la chungnung

North America Box Office lamah chuan 'Spider-Man: No Way Home' bawkin ro a la rel zel a, kar hmasa lam nena khaikhinin Box Office-ah thil danglam tak a awm lem lo.

'Spider-Man: No Way Home' hian US pawnah $tld chuang sum a lalut tawh

'Spider-Man: No Way Home' sum lakluh a tam tawh
'Spider-Man: No Way Home' hi kar tawp liam ta chhung khan theatre 3,675-ah chhuah a ni a, $11,003,528 lai lalut lehin sum lalut tam ber a ni.

Tlangzarh a nih aṭangin thla hnih dawn liam tawh mah se film lian tham tlangzarh a awm meuh lo bawk nen, Box Office roreltu a ni char char a, US tualchhungah ringawt pawh $735,889,808 lalut tawhin ram hrang hrang aṭanga a sum lakluh tawh zat erawh $1,738,889,808 a ni hem tawh mai. Khawvela film sum lalut tam parukna ni mek 'Spider-Man: No Way Home' hian US pawnah $1,003,000,000 a lalut tawh bawk a, ram 19 laiah he film hi superhero movie sum lalut tam ber a ni tawh bawk.

Film dang che ṭhate
'Scream' bawk pahnihna a ni leh a, kar tawp liam ta chhung khan theatre 3,518 aṭangin $7,225,634 a lalut. 'Sing 2' chu pathumna niin 'Redeeming Love' chu palina a ni thung a, 'The King's Man' chu sum lalut tam pangana a ni.

Film thar, film thar
Tunhnaia rimawi khawvela mite ngaihven tak 'The Beatles: Get Back - The Rooftop Concert' chu kar tawp liam ta khan theatre 67-ah chhuah a ni a, $391,252 lalutin Box Office chart-ah 14-na a ni phak.

Clean (20), Gamestop: Rise of the Players (24), Sundown (27), Compartment Number 6 (30), A Taste of Hunger (35) leh Brighton 4th (36) te chu film thar an ni a, Box Office mojo chart-ah hian film 44 lai an tarlang a ni.

Box Office top 10:-
1 Spider-Man: No Way Home $11,003,528
2 Scream $7,225,634
3 Sing 2 $4,665,410
4 Redeeming Love $1,769,710
5 The King's Man $1,658,524
6 The 355 $1,330,225
7 American Underdog $1,161,401
8 Ghostbusters: Afterlife $776,451
9 Licorice Pizza $630,117
10 West Side Story $573,469