Mizo Idol 2018 ; Zanin show-ah top 11 te inlan dawn

Mizo Idol Season 6 hmawrbawk a hnai chho zel a, show ṭum hnih chiah a awm ta. Zaninah show ṭum khatna neih a ni dawn a, top 11 te an zai dawn a ni.

Top 3 te pawh an inlan dawn a, intihsiak erawh a awm tawh dawn lo thung.

Zanina zai tur zingah hian top 4-a kan thlan liam tak Immanuel Lalawm­puii pawh a tel a, ani bak­ah hian Kolasib nula Malsawmdawngkimi leh Pangzawl tlangval Jo­nathan Lalengzauva te pawh an perform dawn a ni.

Heng mite bakah hian Chanmari West tlangval Peter Lalnunpuia, Andrew K. Lalchhandama (Dar­lawn), Lalduhawmi (Rual­lung), Morris Hau­lien (Kawnpui, CCPur Manipur) leh Chawnpui nula R. Lalmalsawmi te chu an perform dawn bawk.

Zirtawpni zanah Grand Finale show neih a ni ang a, Mizo Idol 2018 result puan a ni dawn. Mizo Idol ni thei hi mi pathum - Ticos Darhmingliana, H. Lalnunsiami leh Jerry Lalrinawm te an awm a, Mizo Idol thar kan nei thuai dawn.