Demi Lovato a inlar leh ta

American singer Demi Lovato chu hun rei tak a hmel hmuh tur a awm loh hnuah tun hnai khan a pawn chhuak an hmu fuh a, a ṭha chak viau niin an sawi.

Demi hi July 24 khan ruihlo tih nasat luat avangin nikhaw hre loin a awm a, damdawi inah dah luh a ni. Kar hnih hnu velah chhuah a ni a, Rehab-ah a awm zui a ni. A mualpho hnua a vawi khat nan Pathianni zing khan rehab bulah hian hmuh a ni a, fan te tan chuan chanchin lawm­awm tak a ni ngai ang.

'Sober' singer Demi hian thla thum vel rehab-ah hun a hmang dawn a, a chhuah hun tur erawh hriat a la ni lo. A nu Dianna De La Garza chuan a fanu chunga thil thleng kha awih harsa a tih thu a sawi a, hun harsa tak an paltlang tih a sawi.