WhatsApp-in India-ah grievance officer dah
Mobile application lar WhatsApp chuan India rama thudik lo thehdarh avanga tharum thawhna theng ṭhin venna kawnga hmalakna pakhat atan grievance officer an dah thar.
Grievance officer thar hi hmeichhia niin, company tana global customer operations and localisation-a senior director hna lo thawk tawh American - Komal Lahiri a ni. Komal hian India rama WhatsApp hmanga thudik lo thehdarh venna kawngah hma a la dawn a ni.
India ramah hian tun hnaiah thudik tawk lo thehdarh avanga buaina chhuak a awm fo a, Supreme Court leh sorkar laipui pawh an inrawlh a ngai hial. Hmun ṭhen khatah chuan nunna chan te pawh an awm a, hei vang hian company lam chu chak zawka hma la tura ngen an ni. India sorkar ngenna ang hian company lam chuan grievance officer hi a dah ta a ni.
India hi khawvela WhatsApp hmangtu tamna ber ram niin, mi maktaduai 200 chuangin zetin an hmang a ni.