Rita Ora album thar a hnai
British singer Rita Ora chuan kum ruk hnua a vawi khat nan November thla khian album thar 'Phoenix' a tlangzarh dawn.
Rita Ora hian kum 2012 August thla khan a studio album hmasa ber 'Ora' chu a tlangzarh a, a reh zui deuh vang vang. Mahse tunah chuan album thar a peihfel leh ta a, November 23 a tinzawn a ni. A album tih lar nan hian single pakhat 'Let Me Love You' chu a tichhuak hnai bawk.
Kum 27 mi Ora hian kumin May thla khan Cardi B, Bebe Rexha leh Charli XCX te thawhpuiin 'Girls' a tichhuak a, a hlawhtlinpui hle a ni. Album thar tlangzarh tur thu a puang leh ta a, fan te tan chuan thu lawmawm tak a ni ngei ang.