Mizo TV Series 'Rose' zanin aṭangin a en theih dawn

Mizo film siam lama sulhnu nei ṭha tak Mapuia Chongthu-in a film siam tawha a chhuan ber pawl nia a sawi Mizo TV Series 'Rose' chu zanin aṭangin a en theih dawn ta.

Zonet Zawlbukah dar 8-ah a en theih tawh dawn. Zonet original series a ni dawn a, Leitlang pictures kut chhuak a ni dawn bawk a, belhchin a dawl lehin a rinawm. Dar 8-ah Zawlbuka en hman lo tan dar 9:30-ah Zonet Bawhbelah a en theih leh dawn bawk a, Zonet digital platform tv.zonet.in-ah en theihin an dah chhuak dawn bawk. Digital platform erawh hi chu subscribtion fee awm a ni a, thla khatah Rs 500 chawi ṭhin a ngai dawn thung.

Rose script ziaktu Dr Zar­zosanga pawh hian a ziak thiam viau a nih a rinawm, director Mapuia Chongthu pawhin script pathum a hnawl hnuah a thlan ngat kha a ni a, suspense script angah chuan ṭha ber pawl nia a hriat thu pawh a lo sawi tawh nghe nghe.