Cheryl-i'n a trust tihtawp a tum

X Factor U.K-a judge pawh lo ni tawh ṭhin, footballer lar Ashley Cole nupui hlui kum 37 mi Cheryl chuan a Cheryl's Trust tihtawp a tum niin Britain chanchinbu The Sun chuan a tarlang.

Cheryl-i cha­rity trust-ah hian pawisa pe lut tlem vangin tihtawp a tum nia tarlan a ni. Cheryl's Trust hi kum 2015 khan Cheryl hian a din a, a din kum hian $750,000 a hmu nghal a ni. Mahse Charity Commission-a document thehluha a lan dan chuan nikum khan $4,000 chauh a hmu thung. 

Mi harsa zawkte puih leh zirna lama hmasawnna thlenna turin Cheryl hian a Trust kaltlang hian hma a la a, The Prince's Trust thawhpuiin, he trust kaltlang hian a pianna hmun Newcastle khuaah kum 2018 khan mi harsate ṭanpuina tur centre din a ni.