Britain lalnu chenna in ti eng

England lalnu Queen Elizabeth chenna Windsor Castle chu kar liam ta Inrinni khan U.K. National Health Service din champha kum 72-na pualin light pawl hmanga tih en a ni a, he eng hi Covid-19 hripui beihna kawnga hma tawnga ṭang, health worker-te zahna lantirna a ni.

Lal chhungkuate chuan thuchhuah inṭawm siamin hripui beihnaa thawktu zawng zawngte an chhuan thu an tarlang a, chutih rualin he hri vanga thite an tawrhpui tak zet thu an tarlang bawk. Kum 94 mi Queen leh a pasal kum 99 mi Prince Philip chu kumin March thla khan Covid-19 laka an him theih nan an chenna Buckingham Palace aṭangin Windsor Castle-ah hian an insawn a ni.