DJ Snake-a'n Selena nena an thlalak tarlang

French DJ lar DJ Snake chuan September 28 hian a single thar 'Taki Taki' chu a tichhuak dawn ta a, a thawhpui te an hrawl bawka a boruak pawh a lian hle. Boruak vuak 'hot' nan hian a thawhpui zinga mi Selena Gomez nen an thlalak chu social media lamah a tarlang nasa hle ni.

DJ Snake thawhpui te hi - Cardi B, Selena Gomez leh Puerto Rican singer Ozuna te an ni nawk a, music khawvel a dengchhuak hneh hle tura ngaih a ni. Video pawh a hmuhawm dawn hle a, Los Angeles lamah shooting hi an nei a ni. An thlalak pawh social media lamah hmuh tur a tam hle a, Selena Gomez nena an lakdun phei chu a darh nasa hle a ni.

Kumin July thla khan DJ Snake hian a album pali-na a buaipui mek thu a lo sawi tawh a, a album thar tura a single hmasa ber 'Taki Taki' chu tunkar tawp hian kan nghakchhuak dawn ta a ni.