Pu Kaia Sâp Sikul Music video tlangzarh a ni dawn ta

Chanmari Branch YMA ten an Diamond Jubilee puala Beat Contest an buatsaiha pakhatna, Pu Kaia Sâp Sikul te chuan vawiin hian an music video hmasa ber 'Nunna I La Nei E' chu an tlangzarh dawn ta.

Ramhlun North Branch YMA aiawhtu Pu Kaia Sâp Sikul te hian intihsiak zawh hnu khan an veng mi leh sate nen ṭanghoin music video hi an buaipui nghal a, tunah chuan engkim an peihfel ta a ni. Track leh recording bakah video buaipuitute hi an veng mi leh sa te vek an ni a, an thawho rah chu hmuh theihin a awm dawn ta a ni. Recording hi Kings And Prophets chuan a thlawnin an tihsak a, video hi Siama Video Production (SVP) kutchhuak a ni.

'Nunna I La Nei E' tih hla hi nuna harsatna leh buaina tâwk te tan infuihna hla ṭha tak a ni.