Kum ruk hnuaah hla thar nen - Henry Varte

Mizo mipa zaithiam zinga hriat hlawh tak Henry Varte chuan kum ruk hnua a music video hma­sa ber tur 'A sawm che' tih chu vawiin hian Aijal Club-ah a tlangzarh dawn ta.

Kulikawn tlangval Henry Varte hian a pian­cham phaphak pualin hla thar hi a tichhuak dawn a, vawiin hi atan chuan ni pawimawh bik a ni. He hla hi a u, Lalremruata Varte (Dadea) hriatrengna atan a siam a ni bawk.

'A sawm che' hi Music for Christ hla niin, sound track hi Lal K Sailo siam a ni a, Ephraim Malsawma leh Lalremruata (Avora) ten guitar an perhsak. Recording hi Kings and Prophets Recording Studio-ah tih niin, shoo­ting hi Hmuifang bakah Jeremy Hauhnar studio-ah neih a ni. Video hi Andrew Lalbiaknunga (ALAR) kutchhuak a ni thung.

Henry Vate hla thar hi Music Domain Mizoram (MDM) library-ah dahluh niin, Zonet local channel leh YouTube lamah en tur a awm thuai dawn. Music video tlangzarh ni hian Henry Varte YouTube channel chu tlangzarh a ni nghal dawn bawk.