FIFA 2019 game-ah Ronaldo langsar

EA Sports chuan Thawhlehni khan FIFA 2019 game-a player rating sang zual top 10 te hming a tlangzarh a, Juventus forward Cristiano Ronaldo bawk a langsar. Hetih lai hian England Captain Harry Kane chu top 10-ah hian a hming a lang ve lo thung.

EA Sports-in player rating sang a tarlan 10 zingah hian khawvela league lian - La Liga (Spain) leh Premier League (England) player te an langsar hle. Hetih lai hian Bundesliga (Germany) chuan player an thawh lo a, Serie A (Italy) chuan pakhat an thawh thung.

EPL palyer zingah - Eden Hazard, Kevin de Bruyne leh Manchester United siban nghak David de Gea te an lang a, La Liga chuan Sergio Ramos, Toni Kroos, Luis Suarez, Neymar, Luka Modric leh Lionel Messi te an thawh.

Real Madrid player hlui Cristiano Ronaldo chu Serie A aṭanga lang phak awm chhun a ni. A pum puiah Ronaldo hi player rating sang ber a ni leh dawn niin an sawi a, 94 a hawlh phak dawn niin an tarlang.