Sawmtea'n music video thar a peihfel leh ta

Ṭhazual Award 2017-a Best Male Artist (Gospel) atana thlan Sawmtea Chhangte chuan kumina a pa­thum­na turin music video a peihfel leh ta der mai. A hla thar hi 'Ka aw in Pathian chu ka au va' tih a ni a, Music Domain Mizoram (MDM) library-ah dahluh a ni.

Sawmtea Chhangte hian kuminah music video pa­hnih a lo tichhuak tawh a, a awm mai mai lo tih a hriat. Tun ṭuma a hla hi R. Reng­kunga, Champhai phuah a ni a, recording hi Princeton Records-ah tih a ni. Video hi Mawitea Hauhchhum (RDS) kutchhuak niin, hmuh a nuam leh pek hle.

Sawmtea hi tun lai gospel singer zingah chuan hriat hlawh leh sawm hlawh ber te zinga mi niin, music lama chawimawina hrang hrang pawh a hui hnem tawh hle. Ṭhazual Award 'Best Gospel Artsist' a nih bakah hian - Lelte Award leh Vulmawi Award te pawh a lo dawng tawh a ni.

A music video thar 'Ka aw in Pathian chu ka au va' hi Zonet local channel leh MDM YouTube channel-ahte en tur a awm thuai dawn a ni. Sawmtea hian tunah hian music video thar a buaipui leh mek a, Krismas hla tichhuah a la tum cheu bawk.