Latin Chart-ah Christina Aguilera hming a lang leh ta

Kum 20 hnuah Billboard Latin Chart-ah Christina Aguilera hming a lang leh.

Christina Aguilera chuan January 21 khan a Spanish album pahnihna 'La Fuerza' a tlangzarh a, chu chu Billboard Latin Pop Albums chart-ah pahnihna nihpuiin, kum 20 hnuah he chart-ah hian a hming a lang leh a ni.

Hla paruk awmna EP hi Christina Aguilera studio album pakuana a ni a, Latin album chart-ah hian album pahnih a lanpuina niin, September 2000 khan a Spanish album hmasa 'Mi Reflejo' chu he chart-ah hian pakhatna a lo nihpui tawh. 'Mi Reflejo' kha a hunlai khan a hit hle a, Latin chart-ah hian kar 19 chhung lai a zawnin Billboard Top Latin Albums leh Latin Pop Albums chart-ah pakhatna a ni hial!

Kar hmasa chhung khan 'La Fuerza' hian US-ah equivalent album unit 4,000 a hmu chhuak niin MRC Data chuan a tarlang a, chuta ṭanga 2,000 chu album a hralhna niin vawi maktaduai 2.9 lai stream a ni bawk.

Album Sales chart pangngaiah erawh 78-na a ni pha ṭawk thung a ni.

Album 200 chart roreltu Encanto bawk
Encanto soundtrack chu Billboard 200 album chart-ah pakhatna a ni leh a, vawi thum lai he chart-ah hian topper a ni ta der mai.

Kar hmasa chhung khan US-ah equivalent album units 115,000 lai a hmu chhuak niin MRC Data chuan a tarlang. Film soundtrack vawi thum lai Billboard 200 chart topper ni thei hi pali chiah an la awm a, chung zingah chuan Encanto pawh hi a tel ta a ni. Encanto soundtrack bakah hian A Star Is Born, Black Panther: The Album leh Frozen-te chiah an la awm.

YoungBoy Never Broke Again album thar 'Colors' chu pahnihna a ni a, Walker Hayes album thar 'Country Stuff: The Album' pawh pakuanaah a rawn lang ve bawk.

Hot 100-ah pawh Encanto tho
Billboard Hot 100-ah chart topper aṭangin Adele 'Easy on Me' chu nek chhuahin a awm ve ta a, Encanto soundtrack zinga mi Carolina Gaitan, Mauro Castillo, Adassa, Rhenzy Feliz, Diane Guerrero, Stephanie Beatriz & Encanto Cast 'We Don't Talk About Bruno' chu pakhatna a ni.

'Easy on Me' hi pahnihna a la ni pha tho a, Glass Animals hla hit 'Heat Waves' chu pathumna a ni bawk.

Artist 100 chart lamah erawh Adele-i'n ro a rel leh a, The Weeknd chu pahnihna niin fam ta Meat Loaf chu pathumnaah a rawn lang ve thung a ni.

Billboard 200 chart top 10:-
1 Encanto Soundtrack
2 Colors YoungBoy Never Broke Again
3 DS4EVER Gunna
4 Dawn FM The Weeknd
5 Dangerous: The Double Album Morgan Wallen
6 30 Adele
7 Certified Lover Boy Drake
8 The Highlights The Weeknd
9 Country Stuff: The Album Walker Hayes
10 Planet Her Doja Cat

The Hot 100 top 5:-
1 We Don't Talk About Bruno Carolina Gaitan, Mauro Castillo, Adassa,
Rhenzy Feliz, Diane Guerrero,
Stephanie Beatriz & Encanto Cast
2 Easy On Me Adele
3 Heat Waves Glass Animals
4 Stay The Kid LAROI & Justin Bieber
5 Super Gremlin Kodak Black