Enter the Dragon star 'Bob Wall' a thi

Martial arts expert, actor leh stuntman ni bawk, 'The Way of the Dragon', 'Enter the Dragon' leh 'Game of Death'-a Bruce Lee sualtu Bob Wall chu Pathianni khan kum 82 mi niin a thi.

Bob Wall thih thu hi Thawhlehni khan a chhungte chuan puangzarin Los Angeles-ah a thi tih an sawi a, a thih chhan erawh an la tarlang lo.

9th degree black belt Bob Wall hi Chuck Norris nen ṭhian ṭha tak an ni a, 1960's laihawl velah khan intawngin training-te an nei dun ṭhin a ni. Way of the Dragon (1972)-ah khan an inlan dun bakah Code of Silence (1985), Invasion U.S.A. (1985), Firewalker (1986), Hero and the Terror (1988), Sidekicks (1992) leh Walker, Texas Ranger-ahte pawh an inlan dun a ni. 'Bob Wall' hi film 15 velah a inlan tawh a ni.