Rock and Roll Hall of Fame 2022 Nomination list an tichhuak ta
Rock and Roll Hall of Fame chuan Nilaini khan Rock Hall Class of 2022-a lakluh tur nomination list an tichhuak a, hming 17 an chhawp chhuak.
Rock and Roll Hall of Fame Class of 2022-a lakluh theih tura chhawp chhuahte chu- Beck, Pat Benatar, Kate Bush, Devo, Duran Duran, Eminem, Eurythmics, Judas Priest, Fela Kuti, MC5, New York Dolls, Dolly Parton, Rage Against the Machine, Lionel Richie, Carly Simon, A Tribe Called Quest leh Dionne Warwick-te an ni.
Eminem, Beck, Duran Duran, Lionel Richie, A Tribe Called Quest, Carly Simon leh Dolly Parton-te hi nominee-a an lan vawi khatna a ni a, hetihlai hian ṭhenkhat erawh hi chu kum 10 chuang tehmeuh an hming lo lang tawhte pawh an ni thung.
Nomination list-a a hming a lan theih velah Eminem chu telh nghal a ni
Rock Hall danah chuan nominee-a tel tur hian kum 25 liam taah khan an commercial recording hmasa ber an tlangzarh a ngai a, chumi awmzia chu kum 1996 khan an hla hmasa ber an tihchhuah hman a ngai. Eminem hming a lang thei chiah chiah tihna a ni a, nominee-a a tel theih velah a hming a lang nghal a ni.
Detroit rockers MC5-te erawh vawi rukna atan nominee zingah an tel leh a, Rage Against the Machine hi vawi li an lanna a ni thung. Kate Bush, Judas Priest, New York Dolls leh Devo-te hi vawi thum ṭheuh an lanna a ni ve tawh bawk.
Chutichuan...
Rock Hall inductee tur hi vote hmanga thlan chhuah an ni dawn a, khawvel ram hrang hranga artist, historian leh music industry member sang chuangin vote an thlak ang.
Rock and Roll Class of 2022 chu May thlaah puan chhuah a ni dawn chauh a, lakluh inkhawm neihna hun tur leh hmun tur pawh an la puangzar leh dawn a ni. Nominee 17 zinga vote hmu tam zual panga lakluh an ni dawn a ni.
2022 Rock & Roll Hall of Fame Nominee-te:-
- Beck
- Pat Benatar
- Kate Bush
- DEVO
- Duran Duran
- Eminem
- Eurythmics
- Judas Priest
- Fela Kuti
- MC5
- New York Dolls
- Dolly Parton
- Rage Against the Machine
- Lionel Richie
- Carly Simon
- A Tribe Called Quest
- Dionne Warwick