Evanescence 'Bring Me to Life' Billion views club-ah

Khawvelin nu-metal rock band Evanescence a hmelhriat ṭanna music video 'Bring Me to Life' chu YouTube lamah thlirtu tluklehdingawn an awm tling ta.

Grammy award hial an lakpuina hla 'Bring Me to Life' music video hi Romania-a an shoot niin December, 2009 khan YouTube lamah hian an dah chhuak a, kum 12 chhung velin thlirtu tluklehdingawn a nei thei a ni.

Guest vocalist, 12 Stones member Paul McCo-a'n a puihna hla hi an ram huna Thawhlehni zanah khan thlirtu hetiang zat a nei tih hi Amy Lynn Lee chuan a puangzar a, chhuanawm a tih thu a sawi a ni.

'Bring Me to Life' hunlai kha Evanescence fan-te tan chuan hun ngaihawm a ni ngei ang. An band line-up tihdanglama a awm hma niin 'Bring Me to Life' hi an band dintu pathum- Amy Lee, Ben Moody, leh David Hodges-te phuah a ni nghe nghe. Kum 2003-ah daih tawh khan an tichhuak a, kum 2004 khan Grammy award, Best Hard Rock Performance an lakpui a ni.