TRIBAL DANCE HUNT NEIH A NI DAWN

Ministry of Tribal Affairs, Govt. of India leh Social Welfare & Tribal Affairs Department, Govt. of Mizoram hnuaiah Mark Advertising (Event Management & OOH Advertising) chuan Tribal Dance Hunt (Hnam lam thiam zawnna) a buatsaih dawn.

Tribal Dance Hunt hi Sorkar laipuiin hnam hnufual zawkte hnam 'Lam' boral mai loa humhalhna atan leh chawikanna atan a buatsaih niin, he programme hi India Zalenna vawi 75 na lawmna ‘75th Azadi ka Amrit Mahotsav’ hnuaia project pakhat a ni.

Intihsiakna hi Mizoram pumah ralthlir (virtual) a neih tur a ruahman a ni a, a tel turte chuan Registration form fill-up-in February 28, 2022 hmain District Co-ordinator-te hnenah thehluh vek tur a ni. Pawl/Cultural Club/School/ College leh adangte, kum 16 chin chunglam a duh apiang tan tel theih a ni ang.

He intihsiaknaa tel turte'n video clip (MP4) District Co-ordinator-te hnenah WhatsApp/Telegram-ah document file-in thawn tur a ni a, District Co-ordinator-te hnen ah March 25, 2022 hmain thehluh kim vek tur a ni. Video hi angle khat (1 shot) aṭanga lak tur a ni a, smart phone-a lak pawh pawm a ni a, edit pawm a ni lo thung ang. A tel turte chu Member 20 tal an ni tur a ni. Lam tur mi 16 (Mipa-8 leh Hmeichhia-8) aia tlem lo leh rimawi tumtu mi pali tal an ni bawk tur a ni.

District hrang hrang tan a lam thlanchhuah te :
AIZAWL DISTRICT - CHERAW (KANTLUANG)
LUNGLEI DISTRICT - KHUALLAM
CHAMPHAI DISTRICT - ZANGTALAM
KOLASIB DISTRICT - CHAI
MAMIT DISTRICT - TLANGLAM
SAITUAL DISTRICT - TANGKAWNGA VAILAK
KHAWZAWL DISTRICT - CHHEIHLAM
SIAHA DISTRICT - SOLAKIA
LAWNGTLAI DISTRICT - CHAWNGLAIZAWN
HNAHTHIAL DISTRICT - PAIKAWNGLAM
SERCHHIP DISTRICT - KHELKHAWN

District tin a lam hrang hrang intihsiakna a telte tan hetiang hian lawmman siam a ni :-
1st Prize – Rs 15,000/- Trophy & Certificate
2nd Prize – Rs 10,000/- Trophy & Certificate
3rd Prize – Rs 5000/- Trophy & Certificate
Top 10 te hnenah lawmman Rs 3000/- leh certificate pek an ni ang.

Hrechiang duh tan a hnuaia number-ahte hian zawhfiah theih a ni :-
Aizawl, Lunglei, Champhai
- 6009550128 (Co-ordinator)
Kolasib , Mamit , Saitual , Khawzawl
- 6009578011 (Co-ordinator)
Siaha , Lawngtlai , Hnahthial, Serchhip
- 9366793787 (Co-ordinator)