October 3-5 chhungin North East Youth NGO Summit awm dawn

Community Avenue Network (CAN) Youth, Na­galand bultumin Octo­ber 3-5 chhung hian Xchange North East Youth NGO Summit 2018 chu Berawtlang Tou­rist Centre-ah neih a ni dawn.

Xchange North East Youth NGO Summit vawi thumna-ah hian hmarchhak state hrang hrang aṭangin NGO 20 chuang an tel dawn a, Full Life Access Trust (FLAT)/Nuntam Kailawn Mizoram chuan an lo thleng dawn a ni. Ni thum awh tur he summit-ah hian India hmarchhaka ṭha­laite leh Social Enter­prise enkawl mek, ram leh hnam hmasawnna kawnga thawk mek te an kalkhawm dawn a ni.

Xchange North East Youth Summit-ah hian ṭhalai kalkhawm zinga bei­seiawm zual te thlan chhuah an ni dawn a, men­tor tur leh funder-te hmuhsak an ni ang.

Thupui hrang hrang zingah hmarchhak tana pawi­mawh - sustainable deve­­­lop­ment, social entre­pre­neurship, youth employ­ment chungchang te inzirtir a ni ang. Plenary session leh panel discussion a awm dawn bawk.

He summit atan hian August 28 khan organzing team te chu Aizawl-ah an lo kal tawh a, hlawhtling taka buatsaih an tum a ni.

Hemi chungchanga hriat chian duh leh thawh­pui duh tan chuan - 8974247353/ 9819079102 -ahte hian biak theih a ni.

North East Youth NGO Summit hmasa ber hi kum 2016 khan Dima­pur, Nagaland-ah neih a ni a, Meghalaya khawpui Shillong-ah nghah a lo ni tawh bawk.