U2 an tour tawh dawn lo?

Khawvel huapa band leh zaithiam lar hrang hrangin tour an nei ṭhin a, chung zingah chuan Irish rock band U2 te hi a hlawhtling ber zinga mi an ni. Hetih lai hian tun hnai khan chanchin lawmawm loh lam hriat tur a awm a, U2 te hi an tour tawh dawn lo niin an tarlang.

An band member Bono chuan hemi chungchang hi tunhnai khan a sawi a, "Band angin tour hi kan nei zui zel dawn em tih hi thil chiang lo leh, a chhanna awm rih lo chu a ni," tiin a sawi a, fan te tan chuan chanchin lungchhiat thlak tak a ni ngei ang. Kum 58 mi Irish singer hian a chhan tak erawh a sawi lang lo a, fan te ngaih pawh a ṭha lo hle a ni.

'One' hitmaker te hian kumin May thla aṭang khan 'Experience and Innocent' tour an nei ṭan a, November thla thleng a awh dawn a ni. Hemi hnu hi chuan tour hi an nei leh angem tih a hriat tawh loh a ni.