Esquire Middle East cover girl Rita Ora

Khawvel huapa mipa magazine lar Esquire Middle East chuan an issue tharah cover girl atan Rita Ora an hmang dawn. Eng­lish singer hi he maga­zine-in cover girl-a an hman hmasak ber a ni a, hmei­­chhe thlak an uar lo hle!

'RIP' hitmaker Rita Ora chuan, "Eng thilah pawh a hmasa ber hi a hlu a, Esquire Middle East-in cover girl atan min hmang hi ka inchhuang tak zet a ni," a ti. Hemi atan hian Dubai-ah shooting an nei a, thlalak hi social media lamah a lar hle.

He magazine-ah hian Rita Ora chachin chhiar tur a awm dawn a, mimal zalenna lam hawi a sawi uar hle. Kum 27 mi chuan, "Mipa te pawhin an taksa mawina an pholang ṭhin a, chutiang bawkin hmeichhia te pawh kan ni. Midang sawisel tur kan awm chuang lo a, mimal zalenna kan inzahsak tur a ni," tiin a sawi.

English singer hian November thla khian a album thar 'Phoenix' chu a tangzarh dawn bawk a ni.