Nobel Prize 2018 ; Cancer zirchiangtute hnenah Medicine Award hlan dawn

American immunologist James P. Allison leh Japanese immunologist Tasuku Honjo te chuan cancer chungchanga research an beih avangin khaw­vela Nobel Prize for Physiology/Medicine an dawng dawn.

Khawvela chawimawina sang ber tih hial ngam Nobel Prize hi December 20 hian sem a ni dawn a, chawmawina dawng tur ṭhenkhatte hming pawh puan a ni leh tawh. Nobel Prize for Physiology/Medicine dawng tur hi Thawhṭanni khan puan a ni a, James P. Allison leh Tasuku Honjo te chuan an hna thawh ṭhat avangin an dawng dawn ta a ni.

Nikum khan Nobel Peace Prize chu International Cam­paign to Abolish Nuclear Wea­pons (ICAN) te kutah hlan a ni a, Nobel Prize in Physics chu Rainer Weiss, Barry C. Barish leh Kip S. Thorne ten an dawng. Nobel Prize in Chemistry chu Jacques Dubochet, Joachim Frank leh Richard Henderson te hnenah hlan niin, Nobel Prize in Physiology/Medicine chu Jeffrey C. Hall, Michael Rosbash leh Michael W. Young ten an dawng a, British novelist lar Kazuo Ishiguro chuan Nobel Prize in Literature a la bawk.

Kumina Nobel Prize dawng tur hi puan kim a la ni lo a, hun rei lo teah a hriat thuai dawn a ni.