Lady Gaga-i'n make-up a hmang lo?

American actor Bradley Cooper leh singer Lady Gaga te channa 'A Star Is Born' chu vawiin hian tlangzarh a ni dawn ta a, a changtute pahnih hian chanchin an ngah hle. Cooper hian Lady Gaga hi an film chan dunah hian mak-up hmang lo turin a ti niin an sawi a, a hmang lo taktak em tih chu a hriat thuai dawn.

Khawthlang media te chuan Lady Gaga hian Cooper ngenna angin make-up hi a hmang lo niin an sawi a, a hmel tak tak hmuh tur a awm dawn a nih hmel!

Bad Romance singer Lady Gaga leh Cooper te hi an inkawp fuh hle a, vantlang hriatah pawh an infak tawn nasa hle. Kum 32 mi Gaga chuan thawhpui nuam a tih thu leh pa ṭha tak a nih thu a sawi fo a, recording an tih dun hnuah a aw mawi zia a sawi chamchi bawk.

Drama/Romance film 'A Star Is Born' hi vawiin hian Germany-ah tlangzarh ani dawn a, a film rei zawng hi darkar hnih leh minute 17 niin, tunlai film chhuak thar tur zingah chuan naihven hlawh ber pawl a ni.