Fan Bingbing-i'n chhiah a awl ru!

Chinese actress Fan Bingbing chu chhiah awl ruk chungchangah thiam loh chantir a ni a, $mtd 70 zet a chawi dawn. A pawisa chawi tur hi an ram pawisa chuan Rmb479 million a ni.

Chinese highest paid actress hi nimin khan thiam loh chantir a nih thu puan a ni a, mipui abarakhaih hle a ni. Kum 37 mi Fan Bingbing hian a sum lakluh aṭangin chhiah a awl ruk bakah, a company aṭanga a sum lakluh pawh a chheprelh niin an sawi.

A chiah awl ruk Rmb479 million zet hi a pek a ngai dawn a, hei bakah hian a copmany chu chhiah a pek loh Rmb255 million pe turin an ti a ni. Company-in chhiah a pek loh a rulh leh tur leh a sum chawi tur hi Rmb850 million zet tling a ni.

Fan Bingbing-i'n chhiah a awl ruk thu hi thla thum kalta vel aṭang khan chhui ṭan a nih thu, Chinese news agency Xinhua chuan an tarlang a ni.

Fan Bingbing hi Hollywood thlenga hming langsar a ni a, X-Men leh Iron Man film-ahte pawh a lo inlan tawh a ni.