Voltas Malsawm House Ṭhazual Gospel-ah Stacy VL Muanpuii pakhatna a ni

Voltas Malsawm House Ṭhazual Gospel chart-ah Stacy VL Muanpuii chu 'A sawm che' hmangin pakhatna a ni.

Pakhatna Stacy hla pahnih chart-ah a lang
Stacy VL Muanpuii hian 'A sawm che' hi kar hmasa lamah khan pahnihna a nihpui tawh a, tun ṭumah erawh pakhatnaah a rawn inhlangkai ta.

'A sawm che' hi hla thar a ni loa, tunhma deuha Music For Christ-in mawi taka an sak tawh ṭhin kha Stacy hian rawn thar thawh lehin a rawn thar thawh fuh hle a, pakhatna hial a rawn nihpui leh ta a ni. Eddie Pachuau & David L Ralte-te hla phuah hi a mawi a, a hlathu a ṭha bawk a, la ngaithla lo tan chuan ngaihthlak manhla tak tur a ni bawk.

He hla bakah hian Stacy hla tho 'Ka Van in kawng' chu palina a ni bawk. He hla hi chart hmasa lamah kha chuan parukna a ni a, tunah erawh palinaah a rawn invawrh tawh a ni.

Pahnihna leh pathumna
R. Lalbiaksanga 'I remruatna' chu pahnihnaah rawn inhlangkai ve bawkin Seraphic Choir pawhin an hla thar ber 'Awma chu' tih chu pathumna an rawn nihpui ve leh bawk. R. Lalbiaksanga leh Seraphic Choir-te hi an dinhmun a ṭha sawt hle a, chart topper ni thei turin an dinhmun an sawh nghet sauh sauh a ni.

Chart-a lang hla dangte
Felfeli Ralte 'Riangvai mai ka ni' chu pangana a ni a, One in Christ chuan an hla thar ber 'Isua hnenah chauh' chu parukna an nihpui ve bawk. Lalthansangi, Rka Boihtlung, Bethsy Lalrinsangi leh Vanlalrohlui-te chu top 10-ah an lang ve bawk a ni.

Ṭhazual Gospel top 10:-
1 Stacy VL Muanpuii A sawm che
2 R. Lalbiaksanga I remruatna
3 Seraphic Choir Awma chu
4 Stacy VL Muanpuii Ka Van in kawng
5 Felfeli Ralte Riangvai mai ka ni
6 One in Christ Isua hnenah chauh
7 Lalthansangi Pathian angchhung thiamhlimah
8 Rka Boihtlung A ko che
9 Bethsy Lalrinsangi Nang chawimawi nan
10 Vanlalrohlui (Duati) Ka man thisen a ni