Nightingale of India vui liam a ni ta

Milarte'n an thlahna thu chu...
India legendary singer Lata Mangeshkar chu Pathianni khan state chawimawina kim nen Mumbai-a Shivaji Park-ah vui liam a ni ta.

Lata Mangeshkar vuinaah hian prime minister Narendra Modi bakah politics leh entertainment media-a milar tak tak an tel a, Ranbir Kapoor, Aamir Khan, Shraddha Kapoor leh Shah Rukh Khan-te pawh an tel a ni.

'Voice of the Millennium' leh 'Queen of Melody' ti hiala an sawi ṭhin Lata Mangeshkar hi India ram mai ni loin khawvelin a ui a, a sûn a ni. Milar ṭhenkhat thlahna thute chu:-

Sunny Deol
Lataji a awm tawh lo tih hriat hian min tilungngai a, ka ngai dawn hle mai. Era tawpna a ni! Nightingale of India, a awin chhuan tam tak a zaitirin, a lamtir a, a ṭahtir bawk, kumkhuain kan thinglung a khawih reng tawh ang. Ashaji, a chhunga leh ṭhiante ka tawrhpui e. Kan ramin a ngai dawn hle a ni.

Anushka Sharma
'Aw mawi tak kaltlangin Pathian a ṭawng ṭhin' kan nightingale-in a taksa thi thei a chhuahsan mek vang hian India tan chuan ni lungchhiat thlak a ni. Lataji aw khan amah kha kum khua atan a tinung a ni. A rimawi kaltlangin kan thinlungah a nung reng ang. A chhungte, ṭhiante leh a fan-te ka tawrhpui e. RIP Lataji

Ajay Devgn
Kumkhuain icon a ni. A hlate'n sulhnu an hnutchhiah hi ka ngaihlu reng ang. Lataji hlate ngaithla chunga kan seilian thei hi kan vannei hle a ni. Om Shanti. Mangeshkar chhungkua ka tawrhpui takzet.

Anil Kapoor
Ka rilru a na a, mahse mi ropui tak hria leh ngainaa ka awm thei hi malsawmna a ni...Lataki khan kan thinlungah hmun bik tak tumah luahlan theih loh a luah a ni.

Sachin Tendulkar
Lata Didi nun peng pakhata ka tel ve thei kha vannei ka inti tak zet. Hmangaihna leh malsawmnain min vur reng ṭhin a ni.

A boral ta si a, keimaha peng pakhat hi a bo tel ve niin ka hria.

A rimawi kaltlangin kan thinlungah a cham chhunzawm reng tawh dawn a ni.

Pakistan PM Imran Khan
Kan sub-continent chuan khawvelin a hriat tawh china zaithiam ropui ber pawl a chan a ni.

Hema Malini
Mageshkar hlate ka perform-pui thei kha ka vannei hle. A zai anga zai thei an awm loa, mibik a ni. A boral ta mai hi a lungchhiatthlak takzet a ni.

Ram hrang hrang media-te ve thung
Lata Mangeshkhar, Bollywood aw ngainat ber, Dies at 92 - New York Times

Lata Mangeshkhar, lengendary Bollywood singer, dies at 92 - The Guardian

Indian singer Lata Mangeskhar, "the Nightingale," dies at 92 - Reuters

'Lata Mangeshkar: A singing career that spanned half a century' - BBC

Singer Lata Mangeshkar, ‘Nightingale of India,' Dies at 92 - Wall Street Journal