MDM-in August thla royalty sem chhuak

Music Domain Mizoram (MDM) chuan thla tina an tih ṭhin angin, August thla royalty chu zaithiam te hnenah an sem chhuak leh ta.

Tun ṭumah hian mimal mi 14 leh grouup pakhat ten an dawng a ni. Mimal-a royalty dawngte hi - Am­tea, Baby, Tleipuii, Lalnunpuii, HT Lalthan­zami, Jenny Jathang, Josephine Lalawmpuii, Zorinizuali Khiangte, Mimi Lalhruaitluangi, KR Robert, Mac Lushai, Issac Chhangte, Zohmaa Pachuau leh C. Lalremsanga te an ni.

Salvation Amry, India Eastern Territory-in kum 100 an tlin lawmna denchhena indin 'Prayer Singers' te chuan August thla royalty hi an dawng bawk a ni.

MDM hian kum 2013 aṭang khan an library aṭanga music video hmangtuten an hman man an pek khawm aṭangin thla tin royalty hi an semchuak ṭhin a, hei hi mumal taka kalpui niin zaithiam ten an ṭangkaipui hle. Hei bakah hian MDM YouTube channel aṭanga an sum hmuh chhuah te chu MDM artist te hnenah an sem chhuak ṭhin bawk.

MDM hian zanin hian an member te pualin Aaron's Bliss, Ṭhuampui-ah Zo Zan an hmang dawn bawk a ni. Kum dahgah pawh Fun Night tih vuahin an lo hmang tawh ṭhin a, ṭanpui ngaite tan luanchhuahna an nei ṭhin bawk.