Zirtawpni zan aṭangin Comedian Search second round

ZIPRO LPS Comedian Search chu neih chhoh mek zel a ni a, Zirtawpni zan aṭang hian second round ṭan a ni leh dawn.

Comedian Search hi Sep­tember 21 aṭang khan ṭan a ni a, 27 leh 28 khan first round neih a ni. First round paltlang te hi Zirtawpni zan leh Inrinni zan hian an intihsiak dawn a ni.

Kuminah hian tel an ṭha­hnem a, contestant-te pawh an ṭha tlang hle a ni. Contestant zingah hian Comedian Search-a lo inlan tawh te pawh an awm nawk a, intihsiak boruak a hot chho hle a ni.

TV lama mipuiin kan lo hmuh fo tawh ṭhin Daisy Zoram­mawii chuan show hi hneh takin a host a, H. Rotluanga (Mapuia), Mafaa Hauhnar leh Lalhruaitluanga Chawngte te chuan endik hna an thawk a ni.

Comedian Search hi kum 2008 aṭang khan neih ṭan niin, kumin hi a vawi 11-na a ni.