Brockhampton album 'Iridescence' hralh a kal ber

American Hip-hop group Brockhampton al­bum 'Iridescence' chu US-a album hralh kal ber a ni mek a, Billboard 200 Albums Chart-ah No.1 an hauh.

Brockhampton studio album palina hi September 21-a tlangzarh a ni a, kar liam ta chhung khan copy maktaduai 10 chuang zet an hralh a ni. Brockhampton hi North Amrica lamah chuan an lar viau a, chutih rual chuan khawvel huap chuan hriat an hlawh lem lo.

Kum 2015 khan an indin chauh a, album erawh pali lai an tichhuak tawh a ni.

Album hralh kal zual
American rapper lar Eminem album 'Kami­kaze' chu hralh tla ber zingah a la tel a, sum pawh a hailut hnem tawh hle. Emi­nem hian a album hi sawi lawk lem loin a tlang­zarh a, music khawvel a dengchhuak hneh hle thung.

Hla 13 awmna 'Ka­mi­kaze' hi nikuma a tichhuah 'Revival' hnua a album hmasa ber niin, a tihchhuah aṭanga ni rei lo te hnuah U.K. Albums Chart-ah No.1 a hauh thei a ni. UK chart-ah bik hian Led Zeppelin leh ABBA te record lo siam tawh chu a khum bawk.

Drake album 'Scor­pion' chu album hit zingah a la lang phak cheu bawk a, Canadian rapper hian kar khat chhungin copy 63,000 chuang a la hralh a ni. American rapper Travis Scott chuan a album 'Astroworld' a hlawhtinpui zui zel bawk a, Post Malone te nen top 10-ah an lang a ni.

Top 10-ah hian Carrie Un­­derwood leh Ariana Grande te chu an lang ve bawk. Ariana Grande hian August thla-a a tih­chhuah 'Sweetener' chu a hlawh­tlinpui chho ve leh mek a ni.