Johnny Depp lakah Amber Heard lungawi lo

American actor Johnny Depp leh a nupui hlui Amber Heard te chuan chan­chin lawmawm lam an la nei thei meuh lo a, kawng hrang hrangin an inpuh tawn. Amber Heard chuan Depp hian an inneih lai khan a tiduhdah hle niin a sawi a, court-ah a zualko mek.

Johnny Depp chuan tun hnai khan interview-ah an inkar thu hi a sawi chhuak a, a nupui hluiin a puhna hi a pha a ni. Depp chuan, "Tunge mahni hmangaihte ti na duh ang, min puhna hi thudik lo a ni," tiin a sawi.

Hetih lai hian a thusawi hi Amber Heard-i lawyer te chuan an pawm lo a, thiam chan tumin court-ah an zualko a ni. Depp thu sawi chhuahtu GQ Magazine chu insawi fiah turin an phut bawk a, a thusawi hi a dik lo a ni tih tarlang leh turin an phut bawk.

American actress Amber Heard leh Johnny Depp te hi kum 2015 khan an innei a, nikum khan an inṭhen a ni. An inṭhen fel mai dawn emaw tih hnuah court-ah an zualko a, an chungchang hi media te ngaihven ber pakhat a ni mek.