'A Star is Born' tlangzarh a ni ta

Mipuiin nghakhlel taka an thlir drama/romance film 'A Star is Born' chu Zirtawpni khan Germany-ah tlangzarh a ni ta a, film khawvel a dengchhuak hneh hle.

American actor Brad­ley Cooper leh singer Lady Gaga te channa a nih miau avangin mipuiin an ngaihven pawh hi a mak lo a, Box Office-ah pawh thleng sang tura beisei a ni. Chutih rual chuan thriller/science fiction film 'Venom' nen tlangzarh ni a inrual avangin beisei angin a che ṭha ang em tih chu zawhna a ni.

'A Star is Born' ah hian Cooper leh Gaga te hi an changdun a, Cooper hi film director a ni nghal bawk. A tirah chuan American singer Beyoncé Knowles chu changtunu tura sawi a ni a, Lady Gaga hi a inlan ta zawk a ni.

'A Star is Born' hi tunlai film chhuak thar zingah chuan thawm nei lian ber te zinga mi a ni.