Kumin chhungin 5G phone India-ah
Kumin chhung ngeiin India-ah 5G phone tlangzarh hman a ni dawn tih The Quint chuan a tarlang a, mahse April thla hma chuan a nih hmel loh thung.
International Data Corporation (IDC) India research director, Navkender Singh chuan phone company hrang hrangte chuan an phone tihchhuahah 4G leh 5G variat an tichhuak hmasa phawt dawn tih sawiin, heihi 5G phone chhuak thar turte a to rih dawn vang tih a sawi. 5G phone chhuak thar turte hi Rs 35,000 aiin a tlawm rih a rinawm lo a, phone campany-ten variat chi hnih an tihchhuah tur hoah pawh hian 5G ho hi Rs 10,000 velin a to zawk dawn tih a sawi bawk.
Navkender Singh chuan nakkum kum tir lamah erawh chuan 5G phone man hi a tlahniam hret ang a, Rs 20,000 man bawr velah pawh lei theih a ni tawh a ring. Mi thiamte chuan phone company hrang hrangte hian an 5G phone hi an zawrhchhuah turin an peih tawh an ring a, TechArc chuan kumin chhungin maktaduai 1.5 vel chu India ramah hralh hman a nih an ring a ni. Vivo, Xiaomi, Realme leh Oppo-te chu tlangzarh hmasa tur annih an ring bawk.