Opera singer lar Montserrat Caballé a thi
Spanish opera singer lar Montserrat Caballé chu Inrinni khan Hospital San Pau, Barcelona-ah kum 85 niin a thi.
Montserrat Caballé hi September thla khan Hospital-a dah luh a ni a, October 6 khan a thi ta a ni. A thih thu hian music khawvel a dengchhuak hnen hle a, a thih chan tak erawh tarlan a ni lo. Caballe chhungte chuan a thih chhan hi puanzar an la remti lo niin media te chuan an tarlang.
Bul ṭanna
Montserrat Caballé hi April 12, 1933 khan Maria de Montserrat Viviana Concepción Caballé i Folchtih hming chawiin Barcelona-ah a piang a, kum naupang te niin rimwi khawvelah a inhmang chho a ni. A aw ṭha tak a lar pui a, khawvela soprano ṭha ber pawla an sawi a tling hial.
Kum 1987 vel aṭang khan khawvelin a hmelhriat ṭan a, chawimawina pawh a dawng hnem hle. Chung zingah chuan Grammy Award pawh a tel a ni. Zaiin hmun hrang hrangah a kal kual nasa hle a, Italy-ah te pawh a lo khawsa tawh ṭhin a ni.
Montserrat Caballé hian sulhnu ropui tak tak a hnut chhiah hnem hle a, Basel Opera, Bremen Opera, Metropolitan Opera, San Francisco Opera leh Vienna State Opera-ahte pawh nasa takin a lo inhmang tawh ṭhin a ni.
Freddie Mercury nen
Montserrat Caballé hi British singer lar Freddie Mercury nen an inkawp fuh hle a, hriat pawh a hlawh hle a ni. Freddie Mercury nen hian kum 1988 khan album 'Barcelona' an tichhuak a, an larpui vet vet hle. Kum 1992 Barcelona Olympics-ah opening ceremony-ah an perform dun bawk a ni.
'Barcelona' hi Olympic Games official theme song niin, a hunlai chuan a lar vet vet hle.
Uitu a ngah
Montserrat Caballé hian khawvel hmun hrang hrang aṭangin uitu a ngah hle a, chung zingah chuan an ram prime misniter pawh a tel. Spanish prime minister Pedro Sanchez chuan, "Spain chuan ambassador ropui tak a chan ta a ni. A aw leh sulhnu te hian hriat reng a hlawh tawh dawn a ni," tiin, an ram tan channa nasa tak a nih thu a sawi.
Spanish opera singer ropui Montserrat Caballé hi vawiin hian Barcelon-ah a vuina hun buatsaih a ni dawn niin media te chuan an tarlang.