MDM member ten 'Zo Zan' hmang

Music Domain Mizoram (MDM) chuan, kar kal ta Zir­tawpni zan khan Aaron Bliss, Ṭhuampui-ah 'Zo Zan' an hmang a, member kal an ṭha hle.

He hun hi Sawmtea Chhang­te leh Adama te chuan an host a, intihhlimna chi hrang hrang an buatsaih. Member 100 vel chu group hnihah inṭhenin sport chi hrang hrang an tiho a ni. Best costume, mipa leh hmeichhia thlan a ni bawk.

He hunah hian ruai buat­saih a nih bakah, chhangban, kurtai leh thingpui sen hang te sem a ni a, MDM senior adviser eng emaw zatin an telpui bawk. He hun an hman theih nana sum faia ṭanpuitute chungah MDM chuan lawmthu an sawi a ni.

MDM hian hmachhawp hrang hrang an ei a, Kris­mas vuakvetah pawh hian prog­ramme pui tham tak buat­saih an tum a ni. MDM artist te hnenah YouTube leh Zonet Ṭhazual aṭangin sum eng emaw zat an sem chhuak leh dawn bawk a ni

MDM hian mumal takin library an kalpui a, tunah hian artist 400 vel zet an inziak lut tawh a ni. Music Domain Mizoram (MDM) hian kum 2013 aṭang khan thla tin zaithiamte hnenah hian royalty an sem chhuak ṭhin bawk.