MZI-in E. Lungdar-ah Gereral Conference nei President atan David Z Hmar thlang

Mizo Zaimi Inzawmkhawm (MZI) chuan October 2-4 chhung khan East Lungdar-ah General Conference an nei a, president atan David Z Hmar an thlang.

MZI General Conference-ah hian Mizoram chhung hmun hrang hrang aṭangin zaithiam eng emaw zat an fuan khawm a, state pawn a ṭanga tel pawh an awm bawk. He hun hi bialtu MLA leh minister ni bawk Vanlalawmpuii Chawngthu chuan a hmanpui a, Art & Culture Director, H. Hmingthanzuala chuan a telpui bawk. Art & Culture Director hian MZI fund atan Art & Culture aṭangin budget dah a nih tur thu a puang a, MZI member te chu Art & Culture Director leh Staff te chungah an lawm hle a ni.

MZI General Confe­rence denchhen hian Art & Culture Department leh East Lungdar branch YMA organise te bul tumin Cultural Meet buatsaih a ni bawk a, cultural dance chi hrang hrang hmuh­nawm tak tak en tur a awm a ni.

MZI te hian Mizoram Journalist Association (MJA) bultumin kum 2018-2020 chhunga hruaitu tur an thlang nghal a, working president David Z Hmar chu president atan an thlang. Vice president atan Lalengmawia tlan a ni a, Gereral Secretary atan Lalhungchhungi Pachuau chu thlan a ni bawk.

MZI Genral Conference hi kum khat danah neih ṭhin a ni a, kum 2020 khian Reiek MZI Sub-Headquarters chuan an thleng dawn a ni.

MZI hruaitu thar te :
President - David Z Hmar
Vice president - Lalengmawia
General Secretary - Lalhungchhungi Pachuau
Asst. Genral Secretary - Mickey Chhangte
Treasurer - Helen Zaithankungi
Financial Secretary - Isaac Hmar