North East Youth NGO Summit a ṭiak ta

Community Avenue Network (CAN) Youth, Nagaland bultuma neih Xchange North East Youth NGO Summit 2018 chu kar kalta Zirtawpni khan a ṭiak ta. He summit hi Berawtlang Tourist Centre-ah October 3-5 chhung khan neih niin, NGO 20 vel zet an tel a ni.

Xchange North East Youth NGO Summit hi a vawi thumna niin, Mizoramin a thlen vawi­khatna a ni. He hunah hian mithiam ten zirtirna hrang hrang an pe a, social entrepreneur leh social work lama tui ṭhalai eng emaw zat an fuankhawm a ni.

NGO tel zawng zawng te hi certificate hlan an ni a, NGO pathum - We Care to the Core (Manipur), Change One Life Foun­dation (Meghalaya) leh Rural Community De­ve­­lop­ment Agency (Nagaland) te hnenah Best NGO Award hlan a ni bawk.

North East Youth NGO Summit hmasa ber hi kum 2016 khan Dimapur, Nagaland-ah neih niin, Meghalaya khawpui Shillong leh, Aizawl-ah te neih a ni ve leh ta a ni.