Beauty and the Beast prequel series-ah Rita Ora

Zaithiam Rita Ora chu Disney+ lama tihchhuah tur Beauty and the Beast prequel series-ah a chang ve dawn.

Kum 31 mi British singer a inlan dawn thu hi Variety chuan puangzar hmasain Josh Gad, Luke Evans, Briana Middleton, Fra Fee leh Jelani Alladin-te nen an chang ho dawn a ni.

'I Will Never Let You Down' singer hian tunhnai khan BMG records chu inremna a ziahpui a, chumi hnu lawkah chuan zai lamah mai ni lo lemchan lama kan hmuh dawn thu hi khawthlang media-te chuan an rawn puangzar ve leh ta a ni.

Rita Ora pawh hi a phur tawh hle niin a lang a, Instagram lamah pawh Disney+ logo lanna post siam nghalin Beauty and the Beast prequel series-a a inlan ve tur chu a phur tawh hle tih a sawi.