Black Reel Awards honorary awards dawng tur puangchhuak

Foundation for the Augmentation of African-Americans in Film (FAAAF)-in African-American pual bik tana kum tin a buatsaih ṭhin, entertainment khawvela mi hmingthang leh hlawhtlingte chawimawina Black Reel Awards ṭum 22-na dawng turte hming tarlan a ni.

December 16, 2021 khan film nomination hi puan a ni. The Harder They Fall chuan nomination 20 hmuin, kum 2018-a nomination 17 hmutu Black Panther record lo siam tawh chu a khum.

Kum 90 mi Rita Moreno chu Outstanding Supporting Actress-tan nomination hi hmuin, nominee ni thei zinga upa ber a ni.

Black Reel Award vawi hnih dawng tawh leh movie director ni bawk Halle Berry chuan chawimawina ngaihhlut tak Vanguard Award chu film community lama a hnathawh avangin a dawng dawn a. Marvel Studios tana Production and Development vice president Nate Moore pawhin he chawimawina hi a dawng dawn bawk.

Actor, producer leh Black Reel Award ṭum 12 nominee lo ni tawh Laurence Fishburne chu Sidney Poitier Trailblazer Award hlan a ni ang. Black Reel Awards semna hun hi February 28, 2022 khian neih tum a ni.