Oscar-ah host awm leh dawn lo

February 9 a ABC television a tih chhuah tur 92nd Academy Award, Oscars chuan host a nei lo tih ABC president Karey Bruke chuan a sawi. 

Bruke chuan kum hmasa a an lo tih tawh ang bawkin host pangai nei loin presenter chiah an neih leh tur thu a sawi a ni.

Oscar hian kum hnih a zawnin host an nei dawn lo tihna a ni a, Motion Picture Arts and Sciences chuan host pangai ruai lo in presenter chiah an ruai leh ang. Nikum khan kum 30 chhunga a vawi khatna turin host tel loin Oscar hi buatsaih a ni a, hetichung hian thlirtu maktaduai 30 chuang an awm tho a, 2018 aiin 12% zetin thlirtu an tam a ni.