Korean War movie 'Jangsa-ri' ah Megan Fox

Hollywood actress Megan FoxMegan chu Korean War movie 'Jangsa-ri' ah a inlan dawn tih, Korean production house, Taewon Entertainment chuan an tarlang.

American actress Megan Fox hi Korean veteran actor Kim Myung-min nen an changdun dawn niin an tarlang. Anni bakah hian rapper-turned-actor Choi Min-ho chu he film-ah hian a inlandawn bawk a ni. 'Jangsa-ri' hi Kwak Kyung-taek chuan a direct dawn a, October thla laihawl vel aṭang hian shooting an ṭan dawn a ni.

'Jangsa-ri' hi kum 1950-a Korean War chanchin leh thil thleng tarlanna tur a ni dawn a, hemi behchhan hian 2016 khan 'Operation Chromite' chu an lo tichhuak tawh bawk a ni.

Kum 32 mi Megan Fox hi news reporter Marguerite Hig­gins lemah a chang dawn a ni. Marguerite hi Korean War lai hian New York Herald Tribune tan correspondent a ni a, a hna thawh ṭhat avanga hriat a hlawh hle.

Korean War chanchin a ziahna 'War In Korea: The Report Of A Woman Combat Cor­res­­pondent' avangin kum 1951 khan Pulitzer Prize for Fo­reign Correspondence a dawng a, hmeichhe zinga he chawi­mawi­na dawng thei hmasa ber a ni.

Megan Fox channa tur 'Jangsa-ri' hi tlangzarh hun tur erawh tarlan a la ni lo.