Kylie Jenner-i'n fa a duh belh

American Entertainer lar Kylie Jenner chuan fa a duh belh thu a sawi a, mahse tun dinhmunah chuan a la inpeih lo tih a sawi.

Kylie Jenner leh a kawppui American rapper Travis Scott te hian February thla khan an fa pakhatna Stormi an nei a, thla riat a tling leh der tawh. Stormi piancham hi Pathianni khan an lawm a, an thlalak pawh social media lamah a darh nasa hle.

'Keeping Up With The Kardashians' star Jenner chuan, "Stormi hian min tihlim tak zet a, a bula hun hman hi a hlimawm tak zet a ni. Fa neih belh zel pawh ka duh a, mahse tun dinhmunah chuan ka la inpeih lo a ni," tiin a sawi.

Kum 21 mi Kylie Jenner hi a lar vet vet hle a, a sum dawnna pawh a ṭhang chak hle. Chanchin chhe lam sawi tur nei ve ṭhin bawk mah se American hmeichhe zinga billionaire ni thei hmasa ber a nih avangin dah hniam chi rual a ni lo.