'Venom' in record a siam 'A star Is Born' khumin dinhmun sang ber a luah

10th October, 2018

Kar liamta chhung khan North American Box Office-ah sum leng vak a tam a, Tom Hardy channa 'Venom' chu sum lalut hnem ber a ni. Venom hi October thla-a film tlangzarh tawh zinga kar khat chhunga sum lalut hnem ber niin, record thar a siam a ni.

Venom chu...
English actor Tom Hardy leh American actress Michelle Williams te channa film hi kar liam ta Ningani khan tlangzarh a ni a, film khawvel a dengchhuak hneh hle.

Venom hian Box Office aṭang ringawt hian $tld 80 zet a lalut tawh a, October thla-a film chhuak tawh zingah hetiang zat lalut nghal thei an la awm lo. Kum 2013-a tlangzarh science fiction film, Gravity chu record chelh mektu a ni a, Venom hian $tld 20 zetin a rawn khum ta a ni.

North America bakah hian UK-ah pawh a hit hle a, khawvel ram hrang hrangah chhuah chhoh mek zel a ni bawk.

Mi thar a piang!
Film khawvelah mithar a piang a, chu chu American singer lar Lady Gaga a ni. Lady Gaga hi a vawi khat nan film puitling-ah a inlan a, a channa hi 'A Star Is Born' a ni.

He drama/romance film hi October 4 khan Germany-ah release a ni a, thawm a nei lian hle. American actor lar Bradley Cooper leh Lady Gaga te channa hian tun weekend chhung khan $mtd 42 zet a lalut a, sum lalut tam pahnihna a ni.

Venom leh A Star Is Born hi Box Office-ah an che ṭha hle a, an sum lalkluh pawh a sang fal hle a ni.

Sum lalut tam pathumna chu Smallfoot niin, Night School chuan a dawt. An sum lakluh $mtd 14.9 leh 12.3 a ni a, dinhmun sang luah pahnih te an thlau hle.

Tun hnaia film chhuak thar - The House With a Clock in Its Walls, A Simple Favor leh Met Opera: Aida te chu sum thawk chhuak hnem zingah an lang a, The Nun leh Crazy Rich Asians te chu top 10-ah an lang bawk.

Box Office Top 10
1. Venom - $mtd 80
2. A Star Is Born - $mtd 44.3
3. Smallfoot - $mtd 14.9
4. Night School - $mtd 12.3
5. The House With a Clock in Its Walls - $mtd 7.3
6. A Simple Favor - $mtd 3.4
7. The Nun - $mtd 2.6
8. Hell Fest - $mtd 2.075
9. Crazy Rich Asians - $mtd 2.06
10. Met Opera: Aida (2018) - $mtd 1.2