Priyanka Chopra film-in Germany-ah award la

Indian actress leh pro­ducer ni bawk Priyanka Chopra film 'Pahuna: The Little Visitors' chuan Germany-a film festival-ah award pahnih a la.

October 2-5 chhung khan SCHLINGEL In­ter­­national Film Fes­tival for Children and Young Audience chu Germany-ah neih niin, Pahuna hi a che ṭha hle. European Children Film Award leh Award of The Professional Jury Feature Film Interna­tional category-ahte chawi­­­mawina a dawng a ni.

Pahuna hi Bollywood film star lar Priyanka Chopra leh Purple Peb­bles Production ṭangkawp ten an siam niin, nikum September thla khan tlangzarh a ni. Priyanka hi producer niin, a nu Madhu Chopra pawhin a thawh hlawk hle bawk.

Nikum khan Toronto International Film Festi­val-ah chhuah niin, entu mipuiten standing ovation an pe hial a ni. Ṭawng chi hrang 14 zeta lehlin a ni a, chawimawina hrang hrang pawh a dawng hnem tawh hle.

'Pahuna: The Little Visitors' hi Nepalese nau­pang pathum, Maoist helte avanga an nu leh pa te kalsan a, Nepal chhuah­sana Sikkim pan ta te chanchin tarlanna a ni.