'Zalênna' Lersia Play-ah

One Vision Gospel Media-te buatsaih, feature film 'Zalênna' chu Zirtawni zan aṭang hian Lersia Play-ah en theihin chhawp chhuah a ni dawn.

Mizo Film Award-a Best Actor award la thei Papuia leh 'Scooty' film lama kan lo hmelhriat tawh fam ta Zorinpuia film chan hnuhnung ber a ni bawk. 'Zalênna' hi hrilen hma khan tlangzarh a ni tawh a, veng leh khaw hrang hrangah chhuah hman niin tunah chuan Lersia Play app lamah en theihin a awm tawh dawn a ni.

Director Lalnunsiam (SVP) hi tun hnai a Central KṬP film hit tak mai, ‘Hnehtu’ Director leh 'Nunna Thar' film lo buaipui tawh tu kha a ni a, 'Zalênna' film la en lote tan chuan Lersia Play lamah ngaihven thuai chi a ni ang.