Billboard ; Encanto bawk a la hit
Billboard 200 chart leh Hot 100 chart lamah 'Encanto' bawk a la hit zel a, chart-ah ro a la rel ve ve.
Billboard 200 chart-ah Encanto tho a la langsar
'Encanto Soundtrack' bawkin Billboard 200 chart-ah ro a rel leh a, kar li lai (a zawn ni loin) he chart-ah hian ro a rel ta a, chart-ah kar 10 lang tawhin kar li chhung chu a chung berah a awm tawh a ni.
The Weeknd chuan a album thar ber 'Dawn FM' chu chart-ah roreltu a la nihpui hleithei loa, 'Encanto soundtrack' hian a rorelna la dal chhunzawmin pahnihna a ni mek. Pathumna chu chart topper pawh lo ni tawh Gunne 'DS4EVER' kha a ni thung.
Morgan Wallen album hit 'Dangerous: The Double Album' pawh palinaah a la awm vang a, YoungBoy Never Broke Again chuan a album thar ber 'Colors' hmangin Billboard 200 chart top 5 a khar.
Hot 100-ah hla ngaiin ro a rel
Carolina Gaitan, Mauro Castillo, Adassa, Rhenzy Feliz, Diane Guerrero, Stephanie Beatriz & Encanto Cast 'We Don't Talk About Bruno' bawk Hot 100 chart-ah pakhatna a ni leh a, kar hnih chhung a zawnin he hla hian ro a rel ta.
Adele hla hit, Brit Awards-a award a lakpuina hla 'Easy On Me' chu pahnihna a ni a, Glass Animals 'Heat Waves' chu pathumna a ni bawk.
Chart dang
'We Don't Talk About Bruno' hian Billboard Global 200 chart lamah pawh GAYLE 'abcdefu' rawn nek chhuakin ro a rel.
Artist 100 chart lamah erawh The Weeknd pakhatna a ni thung. The Weeknd hi kar 343 lai he chart-ah hian lang tawhin vawi eng emaw zat pakhatna pawh a ni tawh a ni. Adele chu pahnihna a ni a, Ed Sheeran chu pathumna a ni ve bawk a ni.
Billboard 200 top 10:-
1 Encanto Soundtrack
2 Dawn FM The Weeknd
3 DS4EVER Gunna
4 Dangerous: The Double Album Morgan Wallen
5 Colors YoungBoy Never Broke Again
6 30 Adele
7 Certified Lover Boy Drake
8 The Highlights The Weeknd
9 Planet Her Doja Cat
10 Sour Olivia Rodrigo
The Hot 100 top 5:-
1 We Don't Talk About Bruno Carolina Gaitan, Mauro Castillo, Adassa, Rhenzy Feliz, Diane Guerrero, Stephanie Beatriz & Encanto Cast
2 Easy On Me Adele
3 Heat Waves Glass Animals
4 Stay The Kid LAROI & Justin Bieber
5 Super Gremlin Kodak Black