Billboard Women in Music Awards-ah H.E.R-in Impact Award a dawng dawn

2022 Billboard Women in Music Awards March 2-a sem turah H.E.R chuan American Express Impact Award a dawng dawn.

Kumin Billboard Women in Music Awards-a chawimawina dawng tur hi eng emaw zat puanzar an ni tawh a, chawimawina dawng turte leh inlan turte chu a khat tawkin Billboard lam hian an puangzar reng a ni.

H.E.R-in chawimawina a dawn tur hi artist hmeichhia, an musical platform, music industry leh a piah lam thleng pawha a ṭha zawnga danglamna thlenna tura hmangte hnenah pek a ni tih Billboard chuan an tarlang. Kum 24 mi a hming tak Gabriella Wilson hian thla thar hian YouTube Theater, Hollywood Park, Inglewood, Calif.-ah superstar rual fuankhawmna chu a zawm ve dawn ta a ni.

Ciara chuan kumin Billboard Women in Music Awards hi a host dawn a, 2022 “Woman of the Year” award chu Olivia Rodrigo hnenah hlan a ni ang.