Selena Gomez in mental health treatment la

Kum 26-a upa pop singer Selena Gomez chuan rilru lama harsatna a tawh avang leh depression avangin mental health treatment a la niin khawthlang media-te chuan an tarlang.

'Another Cinderella Story' aṭanga Mizo ṭhalai tam zawk ten kan hmelhriat Selena hi tunhnaiah dadmawi-inah ṭum hnih lai dahluh a ni tawh bawk a, a taksa lamah harsatna nasa tak a tawh hnuah rilru lamah harsatna a tawk zui a ni.

The insider chuan Selena chuan a hrisel lohna chu inhneh tir lo turin a theihtawp a chhuah tih an sawi a, music thar te pawh a ziah leh ṭan tawh thu sawiin hun thawveng zawk leh zalen zawk a hman theih nan Orange County lamah a hun a hman thu an sawi, hma a sawn zel niin an sawi bawk.

Selena Gomez hi hman deuh lawk kha Lumus avangin damdawi-inah dah a ni a, nikum khan a kal thlak a lo ni tawh bawk a ni. Outlet report chuan Los Angeles-a Cedar-Sinai-ah enkawlna a dawn mek thu tarlangin tun dinhmunah hian thisen var a nei tlem hle niin an tarlang.

Kumin kumtir lam khan depression avang tho hian kar hnih chu New York khawpuiah enkawl a lo ni tawh bawk.

Thla hmasa lawk khan Selena hian a Instagram Live-ah rilru lama harsatna a tawh thu hi a sawichhuak tawh nghe nghe. Selena hian IG lamah hian follower million 144 zet a nei a ni.